Шымкентте вирус жұқтырған науқаспен бірге автобуста 51 адам болған
Шымкентте вирус жұқтырған адаммен бірге Нұр-Сұлтаннан бір автобуспен 51 адам келген. Олардың 35-і табылып, оқшаунланған. Қазір 16 адамды іздеп жатыр. Бұл туралы 25 наурызда Қазақстан ақпарат және қоғамдық даму министрі Дәурен Абаев хабарлады.
Шымкентте коронавирус жұқтырған бірінші адам 24 наурыз кешкісін анықталған. Ресми дерек бойынша, 1996 жылы туған адам қалаға бірнеше күн бұрын автобуспен Нұр-Сұлтаннан келген. 25 наурызда Шымкентте екінші адамнан вирус табылды.
Қазір Шымкенттің кіреберісіне 12 блокпост қойылды.
Қазақстанда коронавирусқа байланысты 15 сәуірге дейін төтенше жағдай. 19 наурыздан бастап Алматы мен Нұр-Сұлтан қалалары карантинге көшті. Осыдан кейін екі қалада оқитын я уақытша жүрген адамдар өз қалаларына жаппай қайта бастаған.
- Авторы: Дилара ИСА
Шымкентте вирус жұқтырған екінші адам осыған дейін дертке шалдыққан науқастың шешесі
Шымкентте вирус жұқтырған екінші адам - осыған дейін Covid-19 дертіне шалдыққан 24 жастағы науқастың шешесі. Бұл туралы Шымкент қаласы әкімдігі хабарлады.
Шымкентте коронавирус жұқтырған бірінші адам 24 наурыз кешкісін анықталған. Ресми дерек бойынша, 24 жастағы ер адам қалаға бірнеше күн бұрын автобуспен Нұр-Сұлтаннан келген. 25 наурызда Шымкентте екінші адамнан вирус табылған еді.
Үкіметтің дерегінше, Шымкентте вирус жұқтырған адаммен бірге Нұр-Сұлтаннан бір автобуспен 51 адам келген. Олардың 35-і табылып, оқшаунланған. Қазір 16 адамды іздеп жатыр. Covid-19 дертіне шалдыққан адамның жақындары да карантинге жатқызылған.
Шымкент қаласы денсаулық сақтау басқармасы "вирус анықталған шешесі мен баласының жағдайы бір қалыпты" деп хабарлады.
Қала шетінде 12 блокпост қойылды. Шымкенттегі Халыққа қызмет көрсету орталықтары уақытша жұмысын тоқтатты.
Ресей халқы бір апта демалысқа шығады
Ресей президенті Владимир Путин 25 наурызда телеарна арқылы халықа үндеу жолдап, коронавирус эпидемиясына байланысты Конституция бойынша бүкілхалықтық дауыс беруді кейінге шегеріп, келесі аптадан бастап жеті күнге демалыс жариялады.
Қазір Ресейде 658 адам коронавирус жұқтырған. Бір адам қаза болды.
Путин биылғы жолдауында Конституцияға өзгеріс енгізілетінін мәлімдеген. Бұл ұсынысты Мемлекеттік дума мен Федерация кеңесі қолдаған. Енді халық референдумда дауыс береді. Егер Конституцияға өзгеріс енгізілсе, Путиннің осыған дейінгі президенттік мерзімдері жойылып, ол қайта сайлауға түсе алады.
26 наурыздан бастап Алматыда тек азық-түлік дүкендері мен дәріхана жұмыс істейді
26 наурыздан бастап Алматыда коронавирустың тарауын тоқтату шаралары күшейтіледі. Бейсенбіден бастап қалада автосалондар, көлік жөндейтін орындар, гүл сату орындары, киім жуатын, киім тазалайтын орындар, сұлулық салондары, фотосалондар, оптикалар, ломбардтар, жылжымайтын мүлік агенттіктері, көлік жуатын жерлер, яғни халыққа қызмет көрсету орындары жабылады. Тек азық-түлік дүкендері мен медициналық мекемелер, тіс емдеу орындары жұмыс істейді. Бұл туралы Алматы әкімінің орынбасары Сапарбек Тұяқбаев хабарлады.
“Интернет клубтары, караокелер, балалар орталығы, бильярд залдары, финтес орталықтар, бассейндер, спорт клубтары, солярий де жабылады. Ал тамақтану орындары кешкі онға дейін тағамдарды үйге жеткізу қызметі бойынша жұмыс істей береді. Біздің мақсат – адамдардың бір-бірімен байланысуын барынша азайтып, вирустың тарауына кедергі келтіру” деді әкім орынбасары.
Қазір Қазақстанда 80 адамнан вирус табылды: Алматыда - 31 адам, Нұр-Сұлтанда - 41 адам, Қарағандыда - екі адам, Шымкентте - екі адам, Алматы облысында - бір адам, Ақтөбе облысында - бір адам, Жамбыл облысында - бір адам, Солтүстік Қазақстан облысында бір адам.
25 наурызда Қазақстан үкіметі екі адам дертінен айыққанын хабарлады.
Қазақстанда коронавирусқа байланысты 15 сәуірге дейін төтенше жағдай. 19 наурыздан бастап Алматы мен Нұр-Сұлтан қалалары карантинге көшті.
ПІКІРЛЕР