Нұр-Сұлтанда тағы екі адамнан коронавирус табылды
Қазақстан денсаулық сақтау сақтау министрлігі Нұр-Сұлтанда тағы екі адамнан коронавирус табылғанын хабарлады. Науқастар туралы министрлік әзірге толық ақпарат жариялаған жоқ.
Осылайша Қазақстанда коронавирус жұққан науқастар саны 56-ға жетті. Алматыда - 22 адам, Нұр-Сұлтанда - 31 адам, Қарағандыда - 2 адам, Алматы облысында - 1 адам емделіп жатыр.
Алматы билігі: Коммуналдық төлемге байланысты жеңілдік жасалады
ТЖ-ға байланысты коммуналдық төлем төлеуге шамасы келмейтін Алматы тұрғындарының төлемі жыл соңына дейін шегеріледі деп хабарлады қала билігі.
"Коммуналдық қызмет бойынша қарызы болғаны үшін жарық, су, жылу, газ және телефон байланысы өшірілмейді. Бұған қоса, коммуналдық кәсіпорындар жеке тұлғаларға коммуналдық төлемді уақытында төлемегені үшін айыппұл салмайды, өсімақы қоспайды" делінген хабарламада.
Алматыда 19 наурыздан бері коронавирусқа байланысты төтенше жағдай енгізілген. Қалаға кіріп-шығуға шектеу қойылды. 22 наурыздан бастап қалаға қатынайтын жолаушылар пойызы мен ұшақтар тоқтады.
Нұр-Сұлтанда коронавирус табылған науқастың бірі - шетел дипломаты
22 наурызда Нұр-Сұлтанда коронавирус табылған екі науқастың бірі - шетел дипломаты Бұл туралы министрліктің ресми өкіліне сілтеме жасаған жергілікті ақпарат агенттіктері хабарлады.
"Біреуі шетел азаматы - 1976 жылғы дипломат, Нұр-Сұлтанда жұмыс істейді. Бүгін түнде Лондоннан ұшып келген. Екіншісі 1970 жылғы Қазақстан азаматы. Екеуі де стационарда жатыр, жағдайы орташа" деді министрліктің ресми өкілі Диас Ахметшәріп.
Нұр-Сұлтан қалалық денсаулық сақтау басқармасының дерегіне сүйенген Tengrinews агенттігі түске қарай екінші науқас - Қазақстан азаматының жағдайы ауыр екенін хабарлады.
"Ол пневмонияға шалдықты деген күдікпен стационарда бокста жатқан. Диагностика кезінде коронавирус инфекциясы бары анықталды. Науқаста температура жоқ, бірақ жағдайы ауыр. Пневмония, бірінші дәрежедегі тыныс алу жетіспеушілігі. Салааралық топтың консилиумы тағайындалды" деді Нұр-Сұлтан қалалық денсаулық сақтау басқармасының жетекшісі Сәуле Қисықова.
22 наурызда Қазақстанда коронавирус жұққан науқастар саны 56-ға жетті. Алматыда - 22 адам, Нұр-Сұлтанда - 31 адам, Қарағандыда - 2 адам, Алматы облысында - 1 адам емделіп жатыр.
Өзбекстанда коронавирус жұққандар саны төрт адамға көбейді
Өзбекстанда коронавирус инфекциясын жұқтырғандар саны 41 адамға жетті деп хабарлады денсаулық сақтау министрлігі.
21 наурызда түсте мұнда науқастар саны 37 болды деп айтылған еді. Биліктің айтуынша, карантинде жатқан төрт адамнан вирус табылған.
ПІКІРЛЕР